Nshapita 128
Disanka dia Udi Utshina Yehowa
1
Disanka didi kudi muntu yonso udi unemeka Yehowa, udi wenda mu nshila yandi!2
Bua wewe neudie bia kudia biwakukuatshila mudimu ku bianza biebe; newikale ne disanka, newikale ne diakalengele.3
Mukashi webe neikale bu muonshi wa tumuma udi ukuama bimpe munda mua nsubu muebe. Bana bebe baledibue nebikale bu ntonga ya mitshi ya olive, banyunguluke mesa ebe.4
Mona, adi ndisanka dia muntu udi unemeka Yehowa.5
Yehowa akuvudishile disanka difume mu Siona! Umone biebe diakalengele dia Yelushalema matuku onso a muoyo webe.6
E, umone biebe bana ba bana bebe baledibue. Ditalala dikale kudi Bena Isalele!