Nshapita 11
Tshieyemenu tshia Bantu Bakane
1
Ndi nyemena kudi Yehowa; munyi munudi nungambila ne, Unyeme bu nyunyu ku mukuna webe?2
Bua mona mudi bantu babi banana buta buabo, hadi bahayika mukete ku mulemu, bua kuwela mu mîdima bua kuasa nʼau badi ne mitshima mitoke.3
Hashimbulabo bishimikidi bia nsubu, muntu muakane udi mua kuenza tshinyi?4
Yehowa udi mu ntempelo wandi wa tshijila, Yehowa mene udi ne nkuasa wandi wa butumbi mu diulu. Mesu andi adi amena, bilafinyi biandi bidi biteta bana ba bantu.5
Yehowa udi uteta muntu muakane; kadi mutshima wandi udi ne muntu mubi ne muntu udi musue malu a tshimbambila lukuna.6
Yeye nealokeshile bantu babi makala a kahia; kahia ne soufre ne luhehele ludi luosha nebikale tshituha tshia luhanza luabo tshidibo baheta.7
Bualu bua Yehowa udi muakane; udi unanga buakane; bantu badi bakane nebamonangane nʼandi ku mesu.